تعرف على مبلغ زكاة الفطر هذا العام في فرنسا

بسم الله الرحمن الرحيم!

"يا أخي، أعلنتم العودة للعمل المسلح....كرطوشة# ما خرجتش....".

إذا تحدث بن سديرة فصدقوه.

هل سمعتم ما قاله الصحفي القدير و " اليوتيوبر " الشهير , السيد بن سديرة؟

أنا سمعته و سأضعه بين أيديكم حرفيآ، بدون زيادة أو نقصان.

هل تعرفون، يا جماعة الخير, بأن صديق الشعب الصحراوي, بن سديرة, "لا ينطق عن الهوى"؟

إنه صوت" الدولة العميقة" المجلجل.

"أنا، الآن أوجه إنتقاد و نداء للإخوة الصحراويين...لوقتاش أحنا قاعدين نتكلموا بإسمهم و ندافعوا عليهم...لوقتاش...إلي متي...؟

الإخوة الصحراويين، إلي رآهم عايشين في المخيمات و ألي عايشين في إسبانيا و في فرانسا أو في الشتات....تعرفوني،أنا إنسان مناصر للقضية الصحراوية....تعرفون، بأنني إنسان، كيما إقولوا الناس، إستصالي فيما يخص القضية الصحراوية و مع مبدأ المرحوم بومدين.....ساندنا و نساند الشعب الصحراوي و القضية الصحراوية، حتى ينتصر....نحن مع الصحراويين....قضية مبدأ و ما نسمحوش فيهم....ولكن ورونا حنة يديكم....حركوا رواحكم....حركوا رواحكم يا ألسي محمد...حركة حماس في غزة حركوا العالم....قلبوا الدنيا....يا ألسي محمد....حزب الله في جنوب لبنان، حركوا الدنيا...وأش تحوصوا، أحنا أنجيبوا ليكم الإستقلال....ولا وآش....أحنا نجيبوا ليكم مدينة لعيون، عاصمة الصحراء الغربية....شمطوا#، على ذراعكم و تحركوا....دافعوا على أرضكم....الإخوة الصحراويين، إلي رآهم راقدين في تيندوف...40 سنة و أحنا نعاونوا فيكم....- و بلا مزيتنا -.....و لكن تحركوا....هذا هو الوقت المناسب، إلي لازم تتحركوا....

يا أخي، أعلنتم العودة للعمل المسلح....كرطوشة# ما خرجتش....تحركوا....مطلوب منكم، يا إما تتحركوا....يا إما تتحملوا مسوؤلياتكم....إذا تنتظروا، بأنو الجيش الجزائري إحرر ليكم أرضكم....رانكم غالطين.....إذا تنتظروا بلي الجيش الجزائري هو إلي إحرر ليكم مدينة لعيون و مدينة الداخلة...راكم غالطين....أحنا فرانسا قعدت 130 سنة وهي تنادي، الجزائر فرنسية، الجزائر فرنسية....132 سنة، و لكن بفضل تضحيات كمشة من المجاهدين و الشهداء حررنا لبلاد بالدم....و ما أخذ بالقوة لا يسترد إلا بالقوة....130 سنة.....الشعب الفلسطيني تحرك و يوميآ يموت الآلاف و تهدم المدن و المستشفيات، و لكنهم مصرون على تحرير بلدهم بالدم....إموتوا ملايين، ما إهمش، أما أنتم قاعدين لي في تيندوف و في المخيمات و قاعدين يتبحروا في إسبانيا و في فرانسا و في ألمانيا و في الشتات، تستناو الجزائر تجيب ليكم حقكم....أسمحوا لي...لازمكم تأخذوا المبادرة بنفسكم....قراركم و مصيركم بين يديكم.

هذا، نداء للإخوة الصحراويين....ردوا الغبار عن أرواحكم...الآن، وصلنا إلى مرحلة، وين لازم تنفظوا الغبار عن رواحكم....واحد ما يقدر إيجيب ليكم الإستقلال إلآ الصحراويين....أنتم، إلي تجيبوا الإستقلال تاعكم....قررتم العودة للعمل المسلح، إذن روحوا تحاربوا.....وأش راكم تستناو....وأش، راكم تستناو....روحوا حاربوا على رواحكم....كيما، إقول ليك الناس، هذي الرسالة، لازم توصل للصحراويين، إنشاء الله....".

إنتهى، كلام بن سديرة.

لا أعرف السيد بن سديرة شخصيآ, و لكنني متابع قديم لنشاطه الإعلامي و الصحفي و خصوصآ، ذلك الجزء المتعلق منه بنصرته غير المشروطة لكفاح الشعب الصحراوي و لنضاله.

يومآ، بعد يوم و ليلة بعد ليلة، بدون كلل و بدون ملل و بإبتسامة ساحرة....فيها الكثير من التهكم....دافع بن سديرة عن حقنا في الحياة, أكثر من دفاعنا عن أنفسنا.

بن سديرة, كان و لا يزال هو ضمير الشعب الصحراوي في " يوتيوب".

نافح و كافح و ناضل و جاهد في" المخزن" حق جهاده.

إسألوا، الحموشي و الهمة و المنصوري, كم من ليلة" باتوا عينهم حمر"من" خرجات" بن سديرة.

إذا، قال لكم السيد بن سديرة, روحوا حاربوا....زين فيكم تصنتوا لو.

عندما، نوق بن سديرة و جماله, داروا الريح فخنافرهم و وطات وحدة أعلى أقدم وحدة و قالوا حاربوا أو تحملوا مسوؤلياتكم......خاص الصحراويين يرفدهم التشعرين.

بن سديرة, إذا تكلم, فهو يتكلم بصوت" الجزائر العميقة", صدقوني.

ديروا شي عند روؤسكم.

د : بيبات أبحمد.

# كرطوشة - خرطوشة باللهجة الجزائرية، تعني طلقة.

# شمطوا على ذراعكم، تعني باللهجة الجزائرية، شمروا عن سواعدكم.