ﻗﺼﺪﻱ ﺑﻴﻪ ﺍﻧﻮﺿﺢ ﻟﻤﻮﺭ
ﺃﻧﺎ ﺳﻨﺪﻙ ﻭﺍﻧﺖ ﺳﻨﺪﻱ ...
ﺻﺎﻟﺤﻨﺎ ﻟﺜﻨﻴﻦ ﺃﻻ ﺷﻮﺭ
ﺯﻧﺪﻙ ﺧﻠﻴﻪ ﻣﻊ ﺯﻧﺪﻱ ...
ﻧﻘﻮﺍﻭ ﻋﻠﻰ ﺭﺩ ﺍﻟﻤﺤﻈﻮﺭ
ﺍﻟﻌﺶ ﺍﻟﻠﻲ ﻓﻴﻪ ﺍﻟﺒﻴﻈﺎﻥ ...
ﺃﻻ ﻣﺎﻫﻮ ﺻﺎﻳﺐ ﻟﻤﺎﻥ
ﺍﻟﺼﺤﺮﺍ ﻓﻴﻪ ﻭﻣﻮﺭﻳﺘﺎﻥ ...
ﺍﻟﺜﻦﺗﻴﻦ ﺍﻻ ﺑﻴﻆ ﺍﻃﻴﻮﺭ
ﻣﻮﺭﻳﺘﺎﻥ ﺃﻣﻨﻴﻦ ﺍﻟﺘﻨﻬﺎﻥ ...
ﻣﺎﺕ ﺑﻞ ﺍﻟﺼﺤﺮﺍ ﻣﺠﺒﻮﺭ
ﻭﺇﻟﻰ ﻗﺪﺭﻧﺎ ﻋﻦ ﺗﻠﻴﺎﻥ ...
ﺍﻟﺼﺤﺮﺍ ﻣﻮﺭﻳﺘﺎﻥ ﺍﺗﻐﻮﺭ
ﻭﺑﻴﻈﺎﻧﻲ ﻣﺬﻛﻮﺭ ﺍﻓﻤﻜﺎﻥ ...
ﺛﺎﻧﻲ ﻋﺪﻭ ﻣﺎﺕ ﻣﺬﻛﻮﺭ
ﻓﺤﺎﻟﺖ ﻳﺘﻔﻴﺘﻚ ﺗﻤﻜﺎﻥ ...
ﻋﺶ ﺍﻟﺒﻴﻈﺎﻥ ﻓﺘﺼﻮﻭﺭ
ﺷﺎﻋﺮ ﻛﻠﺒﻮ ﺑﺎﻟﺤﺐ ﺍﻣﻼﻥ ...
ﻟﻠﺒﻴﻈﺎﻥ ﻋﻠﻴﻬﻢ ﻣﻘﻬﻮﺭ
ﻣﺎﻗﺼﺪﻱ ﺑﺎﻟﺒﻴﻈﺎﻥ ﺃﻟﻮﺍﻥ ...
ﺍﻟﻨﺎﺱ ﻭﻻﻫﻮ ﺗﻄﻮﻭﺭ
ﺃﺻﻮﻝ ﺍﻟﻴﻨﺴﺎﻥ ﺍﻟﻴﻨﺴﺎﻥ ...
ﻛﺎﻣﻞ ﻣﻦ ﻟﺮﺽ ﺃﺻﻠﻮ ﻣﻨﺘﻮﺭ
ﻣﻘﺼﻮﺩﻱ ﺑﺎﻟﺒﻴﻈﺎﻥ ﺍﻟﺴﺎﻥ ...
ﺣﺴﺎﻥ ﻭﺫﺍﻙ ﻣﻦ ﺍﻟﺒﺮﻭﺭ
ﻟﻠﺠﻮﺩ ﻭﻟﺤﺴﺎﻥ ﺍﻓﺤﺴﺎﻥ ....
ﻭﺍﻟﻄﺎﺑﻴﻖ ﺍﻟﻲ ﻓﻴﻪ ﺍﺗﺤﻮﺭ
ﻟﺬﻫﺎﻥ ﺇﻟﻰ ﻋﺎﺩﺕ ﻟﺬﻫﺎﻥ ...
ﻣﺰﺍﻟﺖ ﻛﺎﻉ ﺍﺗﺤﻮﺭ ﺍﻓﻄﻮﺭ
ﻟﻐﻦ .......
الشاعر الصحراوي : الزعيم علال الداف.
